Abubuwan da zaka tanada domin bukukuwan sallah

Sallah biki ne na duk musulmai a duk fadin duniya da akeyi bayan kamala azumi na watan Ramadan, kuma lokaci ne da ake dinka sababbin kaya domin da dafe dafe domin murnar irin wanan lokaci. Lokaci ne kuma da ake ziyaran yan uwa dakuma nuna wa yara muhimmancin iyali da yan uwa. Wadanan sune abubuwan daya kamata ka shirya wa bikin sallah:

1.      Kayan sallah

Sunnah ce mai kyau dinka sababbin kaya da za’a saka ranar sallah, idan babu kuma sai ka samu kayanka masu kyau kasaka aje sallar idi. Sababbin kaya da zaka gani a ko’ina shi zai kara nuna maka farinciki da annashuwa da mutane ke ciki a wanan lokaci.

 

Photo credit: Partha Pal/Getty Images

2.      Tuwon sallah

Idan ance tuwon sallah ba ana nufin sai lalle tuwo ba, sallah lokaci ne da ake girke girke dayawa sabida gida, yan uwa, makota da baki. Yakamata ayi girke girke sabida aci a koshi a wanan lokaci musamman dayake anyi wata guda ba’aci abinci da rana ba. Wadanan girke girke yakamta ace sun sami tagomashi na wasu kaji da zasu kara wa abincin armashi.

3.      Wuraren ziyara

Yakamata ayi ziyaran yan uwa da abokan arziki a wanan lokaci, bayan ziyara ta yan uwa akwai wurare da shakatawa da ake halarta a lokacin bukuwan sallah, yanada kyau akai iyali da yara irin wadanan wajejen domin su sami nishadi sosai kuma su san cewa lalle a lokacin sallah ake.

4.      Samun lokacin iyali

Sallah Lokaci ne na hutu, yakamata a zauna da iyali kowa da kowa aci abinci tare ayi hira da juna, koda ba’a samu ana yin haka ko da yaushe amma a lokacin sallah yanada kyau mutanen gida su zauna su samu lokacin juna.

Shawara takarshe kaman yanda bahaushe yace sallah mai biki daya rana tawuce tabar wawa da bashi, kada ka tara wa kanka bashi sabida kanaso lalle sai ka yi abunda yafi karfinka, ayi komai dai dai yanda baza’a takura ba. Allah yakarbi ibadunmu, Allah ya maimaita mana.