Kalli yanda leman tsami zaisa ka dade a duniya cikin koshin lafiya

Photo: pexels.com

Leman tsami daya ne daga cikin yayan itatuwa wanda mutane dayawa basusan amfaninsu a jiki ba ko kuma sun sani amma basa damu da amfani dashi ba. Leman tsami Kaman yanda sunan yake yanada tsami bakowa zai iya amfani dashi kai tsaye ba amma kuma yanada wasu sinadarai na vitamins wanda yasa yazama daya daga cikin yayan itatuwa mafiya amfani a duniya. Mutane dayawa suna amfani da leman tsami a wajen girki wajen dauke karni, samun flavor, da kuma amfani a shayi da dai sauransu, amma amfanin leman tsami yawuce haka yanada matukar amfani wajen inganta lafiya da gyaran jiki.

Ga wasu daga cikin amfanonin leman tsami ajiki:

1.      Rage kiba

Yawan amfani da lemon tsami yana taimakawa wajen konar da teba, binciken masana ya nuna cewa shan leman tsami da ruwan zafi a kullum yana taimakawa wajen rage kiba matuka.

2.      Rage tsufa

Maimakon kashe kudi wajen maya-mayai masu maida tsohuwa yarinya, yawaita amfani da leman tsami zaisa fiskarki ta koma ya yarinya yacire duk wani alamu na tsufa ajikinta.

photo: pexels.com

3.      Kariya daga duwatsun koda

Leman tsami yanada wani sinari wanda yake hana ginuwan duwatsu a koda, Yawan amfani da leman tsami yana kare koda daga duwatsun dake ginuwa acikinta.

4.      Samar da bitamin C

ss="MsoListParagraphCxSpMiddle"> Bitamin C sinadari ne wanda yake da matukar amfani ajiki, amfanin shi yahada da kariya daga cututtuka, sanyi, cutar daji, karfafa garkuwar jiki, rage hawan jini da sauransu. Bitamin c yakasance sinadari mafi amfani ajiki. Leman tsami yana daga cikin yayan itatuwa da ake samun Bitamin C ajikinsa.

5.      Warkarda zazzabi

Shan ruwan leman tsami yana taimakawa wajen warkarda zazzabi da sanyi ajiki.

6.      Waraka daga kunan wuta

Shafa ruwan leman tsami a wurin da aka kone yana warkarda kunan yakuma batar da alamun kuna, sanan yana saukaka zafi da azaban da akeji a wajen kunan.

Ana amfani da leman tsami wajen maganin cututtuka dayawa misali, cushewar dubura, matsalolin hakori, matsalolin makogaro, zubar jini na ciki, kuna, kiba, kwalera, hawan jini dakuma gyaran jiki da gashi.

Amfanin leman tsami bai tsaya a nan ba, wasu na amfani dashi ta hanyoyi daban daban dan bukatarsu ta yau da kullum. Wasu suna hada ruwan leman tsami da ruwa domin amfani wajen wanki sabida leman tsami yanada karfin cire datti a jikin kaya.

Kanshin leman tsami yana korar kwari irinsu sauro da sauransu, idan akasaka bawon leman tsamin ko leman tsamin a wurin da ake samun sauro kanshin zai koresu gabadaya.