Yanda zaka maida hakoranka farare tas-tas

Haske da kyau na hakora suna kara wa mutum kyau da kwarjini a idon jama’a ko mace ko namiji. Idan hakoran mutum suna da kyau zakaga yana nishadi cikin mutane koda yaushe, kowani lokaci zakaga yana cikin dariya yana washe baki cikin jama’a sabida baya shakkan hakan, amma zakaga idan hakoran mutum basuda kyau baya san bude baki a cikin jama’a  zakaga yana kokarin rufe bakinshi a koda yaushe sabida rashin kyan hakoran.

Photo credit: Wikipedia

Akwai mayukan wanda ake siyarwa na hasken hakora amma wadannan mayuka wani lokaci zakaga basa aiki yanda yakamata wani lokaci kuma idan anyi sa’a suyi, koda sunyi aiki zakaga kemikals (chemicals) ne a ciki wadanda zasu iya yiwa mutum illa a hakoran.

Akwai abubuwa na gargajiya wasu daga itatuwa wasu sinadarai ne daga Allah wadanda zakayi amfani dasu su wanke maka hakora suyi haske sosai kaman na jariri. Anan zamuyi bayani akan wasu daga cikin wadanan abubuwa.

Photo credit: Pexels.com

1.      Gawayi

Abun mamaki ne ga wasu ace gawayi dayake baki zai sa hakora suyi haske, tabbas hakane, ana amfani da gawayi wajen wanke hakora suyi haske sosai. Gawayi yana daya daga cikin abubuwan da suka fi kowanne wanke hakora suyi haske sosai. A cikin gawayi akwai wani sinadari wanda shine yake wanke hakoran. Daga yanzu idan aka siyo gawayin girki sai a rage na wanke baki.

2.      Bawon ayaba

Mutane dayawa bayan sun ci ayaba ba abun da sukeyi da bawon ta sai dai su yar, bawon ayaba yanada amfani sosai idan anyi amfani dashi wajen wanke hakora, zai sa suyi haske suyi kyau. Bayan ka bare ayaba zaka iya ajiye bawonta kayi amfani dashi wajen wanke hakora yanada matukar tasiri.

3.      Gishiri

Gishiri sinadari ne wanda yake da matukar amfani, amfanin shi yawuce ayi girki kawai, ana amfani da wajen wanke hakora, amfani da gishirin yana kashe wannan dattin kalar ruwan dorawa dayake fitowa a hakoran wasu mutane, yana wanke kwayoyin cuta a hakora kuma yana saka hakora suyi fari suyi haske.

4.      Leman tsami

Leman tsami abu ne da yake da matukar amfani a jikin dan adam, ana amfani dashi ta hanyoyi daban daban a jikin dan adam wajen inganta lafiya. Daya daga cikin amfanoni na leman tsami shine wanke hakora, Amfani da ruwan leman tsami wajen wanke yana kashe kwayoyin cuta, ya karfafa hakora kuma yasa suyi haske matuka.

5.      Man kwakwa

Amfani da man kwakwa wajen wanke hakora yanasa hakora suyi haske, bayan haka yana wanke hakoran daga cututtuka yakuma saka kamshi mai kyau daga baki.  

Karanta: Amfanin leman tsami wajen kiwon lafiya