Abubuwan dasuke kawo matsala ga ango da amarya

Bayan anyi aure zakaga soyayyar da miji yakema matarsa yaragu, zakaga yarage damuwa da’ita yarage nuna mata soyayya da kula, wasu sukan dauka dama haka abun zai kasance saboda haka basa damuwa. Tabbas wasu mazan suna ganin tinda kin riga kin aureshi ai shikenan bawani sauran soyayya dazai dinga nuna miki kuma abunda wasu ke cewa “ba’a campaign bayan anci zabe”.

Amma yawancin maza dalilai ne dakuma matsaloli daga wajen matan yakesa su zama haka. Mata su ke sa maza su daina nuna musu so da kauna bayan aure sabida wasu dabi’u dasuke farayi bayan anyi aure. Zamuyi bayanin kadan daga cikin wanan matsaloli.

1.      Rashin kwalliya.

Yawancin mata bayan angama biki ana tarewa watakila ace bayan angama cin amarci zakaga tadaina kwalliya a cikin gida sai zata fita, yawanci kuma bayan anyi aure akan dan jima ba’a fita ba, to ko kada ki manta kafin kuyi aure bai saba ganinki ba kwalliya ba, duk lokacinda zaku hadu sai kin tabbatarda kin yarda da kwalliyarki, to bayan aure kindaina kwalliya to sai ya dinga kallon abun wani iri zai dinga kallonki wani iri haka da bai saba gani ba. To daga nan sonki zai ragu a idanunsa. Ansani bazaki kasance cikin kwalliya ba koda yaushe shima kansa yasani amma sai kiyi kokarin yawaita kwalliyan da tsafta.

2.      Magana

Wasu matan zakaga basa tauna magana kafin su furta ta, wata tin kafin ayi auren ma dama haka take, kawai saboda soyayyar da yake mata ne na saurayi da budurwa sai yayita hakuri yana kauda kai. Amma bayan kunyi aure kinsani cewa mijinki bazai dauki magana marar dadi ba indai zaki dinga fada masa magana son ranki to mutuncin ki zai ragu a idonsa yaji ya daina sonki.

3.      Kazanta

Kazanta ta jiki data gida tanasa ango yafara gajiya da amaryarsa tin kafin suyi nisa, bai zama dole ya miki magana ba saboda amarya bata laifi amma abun na cikin ransa zaifada a cikin ransa ke kazama ce, to wanan zai rage miki kwarjini a idonsa. Kada ki bari ko tayaya mijinki yaga kazantarki.

4.      Rashin kula da baki

Indai akace anyi biki to amarya da ango zasuyita ganin baki, kullum zakaga gidan cike yake da baki, yan uwan amarya dana ango da abokanai duk zasuyita kawo ziyara, to wata batada dabi’ar kula da baki musamman idan suka kasance ba yan’uwanta bane ko kawayenta, indai bakin na mijinta ne sai kaga basa samun kula yanda yakamata. Wanan zaisa afara samun matsala tsakanin ango da amaryarsa.

Akwai abubuwa dayawa dasuke hada ango da amarya sabon aure kaga sun fara samun matsala, munyi bayanin kadan ne anan, muna bukatar raayoyinku kuma.